23 ноя 22:01
Янгиликлар

Эшкак эшиш

Тўйлар муборак! 2019 йилнинг энг яхши аёл спортчиси турмушга чиқди + ФОТО

2019 йилги мавсум каноэ эшкак эшиш бўйича ўзининг ёрқин иштироки билан кўплаб муваффақиятларга эришган спортчимиз Дилноза Раҳматова турмушга чиқди.

Бугун спортчимизнинг никоҳ тўйи. Таъкидлаш жоиз, Дилнозанинг турмуш ўртоғи ҳам ушбу соҳага бегона эмас. Куёв бўлмиш Нурислом Тўхтасин ўғли ҳам каноэда эшкак эшиш бўйича терма жамоамиз аъзоси ҳисобланади. Катта ҳаёт остонасига қадам қўяётган ҳар икки спортчимизга бахтли ва саодатли умр тилаймиз.

Маълумот учун, Дилноза Раҳматова каноэда эшкак эшиш бўйича ёшлар ўртасидаги жаҳон чемпиони, катталар ўртасида жаҳон чемпионати совриндори, шунингдек, Токио-2020 ёзги Олимпия ўйинлари лицензиати ҳисобланади. “Миллий спорт мукофоти-2019” танловида “Йилнинг энг яхши аёл” спортчиси номинацияда ғолиб чиққан.