Трамп Эроннинг ЖЧ-2026`даги иштироки бўйича сўнгги сўзини айтди

Унда асосий эътибор мундиалга тайёргарлик ва Эрон терма жамоаси атрофидаги мураккаб сиёсий вазиятга қаратилган.

Учрашув тафсилотлари ва Эрон масаласи:

Инфантино ФИФАнинг ижтимоий тармоқларидаги расмий саҳифаларида суҳбат натижалари ҳақида шундай ёзиб қолдирди:

"Бугун кечаси мен Қўшма Штатлар президенти Дональд Трамп билан учрашиб, бошланишига бор-йўғи 93 кун қолган ФИФА Жаҳон чемпионатига тайёргарликнинг боришини муҳокама қилдик.

Биз, шунингдек, Эрондаги ҳозирги вазиятни ва Эрон терма жамоасининг 2026 йилги Жаҳон чемпионатига йўлланма олганини ҳам гаплашдик. Суҳбат давомида президент Трамп Эрон терма жамоаси Қўшма Штатларда бўлиб ўтадиган турнирда, шубҳасиз, иштирок этиши мумкинлигини яна бир бор тасдиқлади".

"Футбол дунёни бирлаштиради"

Шунингдек, ФИФА раҳбари спортнинг тинчлик элчиси эканлигига алоҳида урғу бериб ўтди:

"Ҳозир ҳар қачонгидан ҳам кўпроқ бизга одамларни бирлаштира оладиган Жаҳон чемпионати каби катта воқеа керак. Қўллаб-қувватлагани учун Қўшма Штатлар президентига чин дилдан миннатдорчилик билдираман — бу футбол дунёни бирлаштиришининг яна бир ёрқин исботидир".

Эслатиб ўтамиз, 2026 йилги мундиал 11 июндан 19 июлга қадар АҚШ, Канада ва Мексика яшил майдонларида бўлиб ўтади.