Трамп UFC'нинг энг яхши жангчилари ва мигрант спортчилар ўртасида жанглар ташкил этиш таклифини берди

У Питсбургдаги сайловолди ташвиқоти митингида нутқ сўзлаб, UFC президенти Дана Уайтга дунёнинг энг яхши жангчилари ва муҳожир спортчилари курашадиган аралаш яккакурашлар Лигасини яратишни маслаҳат берганини айтди.

"Мен Дана Уайт билан суҳбатлашдим. Унга сайёрамизнинг энг яхши жангчилари муҳожир жангчиларга қарши беллашадиган Лигани яратиши кераклигини айтдим. Бу йигитларнинг октагонда учрашишини кўришни истардим. Ўйлайманки, муҳожир спортчилар ғалаба қозониши мумкин, чунки уларнинг баъзилари жуда маҳоратли", деди Трамп.