Триатлон бўйича мураббийларимиз тажрибаларини оширди

Мазкур курсда мураббийларимиз чет эллик мутахассислар сузиш, велоспорт ва югуриш бўйича ўтган назарий ва амалий машғулотларда тажрибаларини янада оширдилар.

Ўқув курсида иштирокчилар уч йўналиш бўйича методика ва техника, одатий хатолар ва уларни тузатиш усулларини батафсил ўрганиб чиқиш билан бирга, спортчиларни тиббий назорат қилиш усулларини ўрганди.

– Россиянинг етакчи мутахассислари ўтказган дастур жуда қизиқарли бўлди. Триатлонда машғулотларни ўтказиш бўйича фикр ва тажриба алмашиш учун бундай ўқув семинарлари жуда муҳимдир. Методология ва даврийлаштириш тизими ҳақида жуда муҳим мавзулар муҳокама қилинди. Ўзим учун жуда кўп нарсаларни кашф қилдим ва педагогик ёндашувларимни қайта кўриб чиқдим. Умид қиламанки, биз шу билан тўхтаб қолмаймиз ва мутахассислар билан тез-тез учрашиб турамиз ва фикр алмашамиз, – деди Республика болалар ва ўсмирлар спорт мактаби мураббий-ўқитувчиси Дмитрий Лозовой.