Триатлон бўйича Ўзбекистон Кубоги ўтказилди

Самарқанддаги спортнинг эшкак эшиш турлари бўйича ихтисослаштирилган олимпия захиралари Республика болалар ва ўсмирлар спорт мактабида ташкил этилган беллашувларда Республикамизнинг барча ҳудудларидан жами 120 нафарга яқин спортчилар ўз омадини синаб кўришди.

Мазкур мусобақаларни ўтказишдан кўзланган асосий мақсад, ёшларни спортнинг техник ва амалий турларига кенг жалб қилиш, “Ватанпарвар” ташкилотидаги спорт тўгаракларини ривожлантириш ҳамда спортчиларнинг маҳоратини ошириш, триатлон бўйича энг кучли спортчиларни аниқлаш орқали Ўзбекистон терма жамоаси таркибини шакллантиришдан иборат.

Мусобақада Ўзбекистон Триатлон федерацияси раисининг биринчи ўринбосари Ф.Насиров, Ўзбекистон мудофаасига кўмаклашувчи “Ватанпарвар” ташкилоти Марказий кенгаши раисининг ўринбосари Т.Якубов ва мусобақа бош ҳаками В.Растрыгинлар сўзга чиқиб, иштирокчиларга омад ва зафарлар тилаб, мусобақани очиқ деб эълон қилишди.

Баҳслар учта ёш тоифаси бўйича ташкил этилди.

1997 йилда туғилган ўғил ва қиз спортчилар:

Сузиш – 1500 метр,

Велопойга – 40 000 метр,

Югуриш – 10 000 метр.

1998-2000 йилда туғилган ўғил ва қиз спортчилар:

Сузиш – 1500 метр,

Велопойга – 40 000 метр,

Югуриш – 10 000 метр.

2001-2003 йилда туғилган ўғил ва қиз спортчилар:

Сузиш – 1500 метр,

Велопойга – 40 000 метр,

Югуриш – 10 000 метр.

Мусобақанинг якуний натижаларига кўра, умумжамоа ҳисобида 1-ўринни Тошкент шаҳар, 2-ўринни Навоий вилояти, 3-ўринни Қашқадарё вилояти терма жамоаси эгаллашди. Ғолибларга ташкилотчиларнинг диплом ҳамда эсдалик совғалари топширилди.