02 июл 10:16
Янгиликлар

Велоспорт, От Спорти, Сув спорти турлари

Триатлончиларимиз Қирғизистондаги мусобақада 3 та медаль қўлга киритишди

Қирғизистоннинг Чолпон-ота шаҳрида триатлон бўйича “Cholpon-Ata Asian Cup and Central Asian Championship 2019” мусобақаси бўлиб ўтди.

Эътиборлиси, унда иштирок этган терма жамоамиз вакиллари 2 та олтин ва 1 та кумуш медалга сазовор бўлдилар.

Регламентга кўра, мусобақа 750 метрга сузиш, 20 километрга велопойга ва 5 километр масофага югуриш бўйича ўтказилди. Унда ўз ёш тоифаларида иштирок этган ҳамюртларимиздан Александр Решетников ва Екатерина Рязанова марра чизиғини биринчи бўлиб кесиб ўтишган бўлса, Латофат Содиқова кумуш медаль билан тақдирланди.