Трилогия бўладими? Макгрегор Нэйт Диас билан жанг қилиш истагини билдирди

Ирландиялик спортчининг бундай қарорга келишига яна бир собиқ жаҳон чемпиони Андерсон Силванинг Бразилиянинг Куритиба шаҳрида Ник Диасга қарши октагонга чиқмоқчи эканлиги ҳақида айтган гаплари сабаб бўлган.

“Шу жангни ташкил қилиб беринглар. Мен Бразилиядаги ушбу турнирда Нэйт Диасга қарши октагонга чиқаман”, - дея ўзининг “Твиттер”даги саҳифасида мурожаатнома қолдирган Макгрегор.

Маълумот учун, Куритиба шаҳридаги UFC 237 турнири 11 май куни ўтказилади. Агар Конор ва Диас ўртасидаги баҳс ўтказилса, бу ўзига хос трилогияга айланади. 

Боиси, Макгрегор ва Нэйт Диас 2016 йили икки бор ўзаро тўқнаш келишган. Аввалига 5 март куни Диас Конорни муддатидан аввал мағлубиятга учратган. 20 август куни эса айнан Лас-Вегасда Конор очколар ҳисобига кўра реванш олишга муваффақ бўлган.