Туман ҳокими «Соғлом ҳаёт учун 5 000 қадам!” акциясида иштирок этди

Жумладан, бугун эрта тонгдан туман ҳокими Д.Мусинов бошчилигида тумандаги 1-сонли болалар ва ўсмирлар спорт мактабида «Соғлом ҳаёт учун 5 000 қадам» шиори остида туман ИИБ ходимлари, туман халқ таълими, жисмоний тарбия ва спорт бўлимлари ҳамда бошқа мутасадди ташкилотлар ҳамкорлигида юриш марафони ва эрталабки бадантарбия машқлари ўтказилди. Унда ёшлар, турли ташкилот ва муассасаларнинг раҳбарлари ҳамда ходимлари, фаоллардан иборат кўнгиллилар фаол қатнашди.

Таъкидлаш лозим, пиёда юриш инсон саломатлиги учун энг фойдали машғулотлардан бири саналади. Бу айниқса бугунги пандемия шароитида ниҳоятда муҳимдир. Буни тўғри англаган мутасадди раҳбарларнинг бу борада «шахсий намуна» бўлишаётгани эса аҳоли ва ишчи-ходимлар орасида соғлом турмуш тарзига эътиборнинг ортишига хизмат қилади.