06 ноя 14:32
Янгиликлар

Футбол

Тунда "Сити"га учта гол уриб шарманда қилган ҳужумчи: "Аморимни соғинамиз"

Кеча оқшом "Спортинг" клуби Европа Чемпионлар Лигасининг 4-турида "Манчестер Сити"ни 4:1 ҳисобида тор-мор этди.

Учрашувда Португалия клуби сафида Виктор Гйокереш хет-трик қайд этди. Баҳсдан кейин швециялик ҳужумчи МЮга кетаётган Рубен Аморим ҳақида гапирди.

"Албатта, биз Аморимни соғинамиз. У билан бирга кўплаб ғалабаларга эришдик. Рубен билан бирга кетаётган бошқа мураббийлар ҳам бизга етишмайди. Аммо олдинга юришда давом этишимиз керак", - деди Гйокереш.

Маълумот учун, Виктор Гйокереш бу мавсум "Спортинг" сафида барча мусобақаларда 17 та ўйинда майдонга тушиб рақиблар даврозасига 23 та гол урди ва 4 та голли узатмани амалга оширди.