Туркияда 33 та медал қўлга киритган кикбоксчиларимиз тантанали кутиб олинди + ФОТО

Кикбоксчиларимизни Ислом Каримов номидаги Тошкент халқаро аэропортида Спортни ривожлантириш вазири ўринбосари Абдулло Аслонов, Ўзбекистон кикбоксинг федерасияси раҳбарияти ҳамда ОАВ вакиллари тантанали равишда кутиб олишди.

12-15-май кунлари ўсмирлар, ёшлар ва катталар ўртасида бўлиб ўтган ушбу нуфузли мусобақада жаҳоннинг 50 дан ортиқ давлатидан жами 3 300 нафар спортчи ғолиблик учун баҳс олиб борди.Унда Ватанимиз шарафини 62 нафар спортчи 6 та йўналишда муносиб ҳимоя қилдилар.

Якунда кикбоксчиларимиз Ўзбекистонга 8 та олтин, 13 та кумуш, 12 та бронза, жами 33 та медал билан қайтишди.