26 окт 08:27
Янгиликлар

Эшкак эшиш

Туркияда байдарка ва каноэда эшкак эшиш бўйича ўқув-машғулот йиғини ўтказамиз

4-28 ноябрь кунлари Туркиянинг Белек шаҳрида байдарка ва каноэда эшкак эшиш бўйича ўқув-машғулот йиғини бўлиб ўтади.

Ўқув-машғулот йиғинида Денисов Владен, Суннатилло Иноғомов, Онуфриев Денис, Шерзод Ҳакимжонов ва Самандар Ҳайдаров каби спортчиларимиздан тузилган делегациямиз мураббий Ксения Калинина бошчилигидаги иштирок этади. Делегациямизнинг ушбу йиғиндаги барча сарф-харажатлари Жисмоний тарбия ва спорт вазирлиги томонидан молиялаштирилади.

Мазкур ўқув-машғулот йиғинида дунёнинг 10 та давлатидан 180 нафарга яқин кучли спортчилар иштирок этиши кутилмоқда. Бу эса ўз ўрнида Ўзбекистон терма жамоа аъзолари учун катта тажриба алмашиш имкониятини беради.

Шунингдек, ўқув-машғулот йиғини спортчиларимиз учун 2020 йилнинг март ойида Таиланднинг Паттайя шаҳрида бўлиб ўтадиган Осиё чемпионатига тайёргарлик босқичини ўтаб беради.