29 июн 07:20
Янгиликлар

Дзюдо

Туркиядаги халқаро қўшма машғулот давом этади

Маълумки, шу кунларда дзюдо бўйича Ўзбекистон эркаклар терма жамоаси Туркиянинг Анталия шаҳрида ўқув-машғулот йиғини ўтказмоқда.

Ушбу халқаро машғулотларда мезбонлар ва Ўзбекистондан ташқари Россия, Грузия, Молдова, Украина, БАА, Қирғизистон терма жамоалари иштирок этяпти. Ҳамкорликда ўтказилаётан машғулотлар барча иштирокчи давлат терма жамоаларига Токио Олимпиадасига тайёргарлик босқич вазифасини ўтаб беради.

Илиас Илиадис бошчилигида кунига икки маҳалдан ташкил этилаётган машғулотлар 1 июлга қадар давом этади. Шу куни терма жамоамиз Хорватияга йўл олади. 1-7 июль кунлари оралиғидаги ўқув-машғулот йиғинига Европанинг ушбу мамлакати мезбонлик қилади. Бўлажак йиғинга айни пайтда Словакияда машғулот ўтказаётган Ўзбекистон аёллар терма жамоаси ҳам қўшилади.