03 мар 16:14
Янгиликлар

Хоккей

U-18 Жаҳон чемпионати. Хоккейчиларимиз кетма-кет икки ўйинда йирик ҳисобда зафар қучишди

Гонгконг давлати хоккей бўйича U-18 ёш тоифасидаги Жаҳон чемпионати бўлиб ўтмоқда.

Ўзбекистон терма жамоаси III А дивизионининг илк баҳсида мезбон Гонгконгга қарши музга чиқиб, 6:2 ҳисобида зафар қучганди. Бироз аввал якунига етган иккинчи ўйинда хоккейчиларимиз Янги Зеландияни йирик ҳисобда мағлуб этишди - 13:2. Салоҳиддин Азимов киритилган шайбаларнинг тўрттасига муаллифлик қилди.

Гуруҳнинг яна бир учрашувида Исроил терма жамоаси Туркияни камбэк эвазига 6:5 ҳисобида енгди. Исроиллик хоккейчилар сўнгги учинчи даврани 4:1 ҳисобида ўз фойдаларига ҳал қилиб, якуний ғалабани ўз томонларига оғдириб олишди.

Гуруҳда Ўзбекистон ва Исроил терма жамоалари 6 тадан очко жамғариб, қўшҳокимлик қилишяпти. Энди 5 март куни ёш хоккейчиларимиз Туркияга қарши музга чиқишади.