06 мар 12:39
Янгиликлар

Хоккей

U-18 Жаҳон чемпионати. Хоккейчиларимизда кетма-кет тўртинчи ғалаба!

Гонконгда давом этаётган хоккей бўйича U18 жаҳон чемпионатининг III дивизион “А” гуруҳида Ўзбекистон ёшлар терма жамоаси тўртинчи ғалабасини қўлга киритди.

Жамоамиз бироз аввал якунига етган учрашувда Болгария термаси билан куч синашди ва 5:3 ҳисобидаги ғалабани тантана қилди. Хамзин, Тиллахўжаев, Абдалязов, Камалов ва Абдувосиқов киритилган голларга муаллифлик қилишди.

Бугунги ғалабадан кейин ёшларимиз 11 очко билан гуруҳда якка пешқадамликни давом эттиришмоқда. Гонконг ва Исроил терма жамоалари ҳисобида 6 очкодан бор. Энди терма жамоамиз 8 март куни Исроилга қарши музга чиқади. Исроил бироздан сўнг Янги Зеландияга қарши баҳс олиб боради.