U 22 Осиё чемпионатида 14 та олтин медаль қўлга киритган терма жамоамиз Ўзбекистонга қайтиб келди + ФОТОГАЛЕРЕЯ

Қитъамизнинг 20 мамлакати қатнашган ушбу мусобақада Ўзбекистон терма жамоаси йигит ва қизлари умумий ҳисобда 21 та медаль (14 та олтин, 4 та кумуш, 3 та бронза) медалини қўлга киритиб, ҳар жабҳада умумжамоа ҳисобида биринчи бўлишди. 

Мусобақада муваффақиятли иштирок этган терма жамоамиз аъзолари бугун Тошкент шаҳрига қайтиб келишди. Улар Ислом Каримов номидаги Тошкент халқаро аэропортида тантанали равишда кутиб олинди. Кутиб олиш маросимида Ёшлар сиёсати ва спорт вазири ўринбосари Мурод Исмоилов, МОҚ раиси ўринбосари ва Ўзбекистон бокс федерацияси раисининг биринчи ўринбосари Сакен Полатов, спортчиларимизнинг яқинлари, мухлислар ва ОАВ вакиллари иштирок этишди. 

Қайд этиш лозимки, мураббийлар Акмал Ҳасанов ва Элшод Расулов бошчилигидаги йигит-қизларимиз Бангкокка 24 нафар боксчи билан йўл олишганди. Уларнинг 21 нафари Ўзбекистонга медаль билан қайтганини алоҳида эътироф этиш лозим.