22 окт 12:36
Янгиликлар

Спорт курашлари

U-23 Жаҳон чемпионати. Бугун Алишер Ғаниев финалда гиламга чиқади, шунингдек яна бир ҳамюртимизга мухлислик қиламиз

Хабар берганимиздек, кеча Албанияда спорт курашлари бўйича U-23 ёш тоифасидаги Жаҳон чемпионати бошланди.

Кечаги кун доирасида -60 кг вазн тоифасида кураш олиб борган юртдошимиз Алишер Ғаниев финал йўлланмасини қўлга киритди. Бугун у нейтрал мақомда курашаётган Динислам Бамматов билан чемпионлик учун кураш олиб боради.

Афсуски, саралаш баҳсларида имкониятни бой берган Аброр Атабаев (-72 кг) ҳамда Самандар Бобоназаров (-82 кг) медаллар учун курашиш имкониятини бой беришди.

Финал:

-60 кг: Алишер Ғаниев – Динислам Бамматов (Нейтрал спортчи).

Бугун ўтказиладиган саралаш баҳсларида яна бир юртдошимиз иштирокини бошлайди. -77 кг вазн тоифасидаги баҳсларда Дониёрхон Накибов норвегиялик Людвиг Хатландга қарши гиламга чиқади.

Саралаш:

-77 кг: Дониёрхон Накибов – Людвиг Хатланд (Норвегия).