U-23 Жаҳон чемпионати. Дониёрхон Накибов бронза медали учун курашади

Мусобақанинг илк кунида Ўзбекистон юнон-рум кураши жамоасининг тўрт нафар вакили — Хусниддин Олимбоев (63 кг), Дониёрхон Накибов (77 кг), Муроджон Олимжонов (87 кг) ҳамда Дамирхон Раҳматов (130 кг) гиламга кўтарилди.

Аҳамиятлиси, улар орасидан 77 кг вазн тоифасидаги Дониёрхон Накибов мусобақа ярим финалига қадар етиб борди. Мазкур босқичда ҳамюртимиз грузиялик Темури Оржоникидзега имкониятни бой бериб қўйди. Энди Накибов бугун Жаҳон чемпионати бронза медали учун баҳс олиб боради. Унинг бу йўлдаги рақиби номи кейинроқ маълум бўлади.

Шунингдек, кеча курашган спортчиларимиздан яна бири — Муроджон Олимжонов (87 кг) бугун ўтиш босқичида иштирок этади.

U-23 Жаҳон чемпионатининг иккинчи кунида (21 октябрь) иштирок этадиган курашчиларимиз:

55 кг: Хожиакбар Қўчқоров (саралаш босқичи)

67 кг: Ойбек Шарибжонов (саралаш босқичи)

72 кг: Аброр Атабаев (саралаш босқичи)

77 кг: Дониёрхон Накибов (бронза медали учун)

87 кг: Муроджон Олимжонов (ўтиш босқичи)

97кг: Жавоҳир Шодиёров (саралаш босқичи).