U-23 Осиё чемпионати. Ж.Корея 114-дақиқадаги гол эвазига Саудияни таслим этди ва илк бор мусобақа ғолибига айланди

Осиё чемпионатининг ҳал қилувчи баҳси Ж.Корея ҳамда С.Арабистони олимпиячилари ўртасида ўтказилди. 

Беллашувнинг асосий бўлимларида ҳисоб очилмади. Экстра таймларнинг иккинчисида эса кореяликлар стандарт вазиятга эга бўлишди. Ли Дон Гённинг жарима зарбасидан узатган тўпини Чон Таэ Ук боши билан дарвозага жойлаб қўйди. Шу тариқа, мазкур гол Ж.Кореяга минимал ғалаба ҳамда мусобақадаги илк титулни келтирди. Саудияликлар эса иккинчи маротаба кумуш медалларини (аввалгиси 2013) қўлга киритишди. 

Ж.Корея – С.Арабистони 1:0 (0:0, 0:0, 0:0, 1:0)

Гол: Чон Таэ Ук 114