16 апр 18:48
Янгиликлар

Футбол

U-23 Осиё кубоги. Малайзия бош мураббийи: "Ўзбекистонни ютиш учун энг зўр ўйинимизни намойиш этишимиз шарт"

U-23 Осиё кубоги гуруҳ босқичи олдидан "D" гуруҳи бош мураббийлари иштирокида матбуот анжумани бўлиб ўтди.

Ўзбекистон терма жамоасининг 1-турдаги рақиби Малайзия терма жамоаси бош мураббийи испаниялик Хуан Торрес Гарридо ҳам ўз фикрларини билдириб ўтди.

"Малайзия терма жамоаси яна бир бор шундай катта мусобақада иштирок этишимиздан хурсандман. Олдинги натижаларни яхшилашга ҳаракат қиламиз. Ўз навбатида мусобақа ташкилотчиларига раҳмат айтаман. Қатар бизга ажойиб шароитлар яратиб бермоқда. ОФКга ҳам раҳмат, барча жамоаларга омад тилайман.

Эртага мусобақанинг фаворитларидан бирига қарши ўйнаймиз. Ўзбекистон таркиби жуда кучли, захира ўриндиғи кенг. Бош мураббий анчадан буён терма жамоада ишлаб келмоқда. Бу ўйинда ғалаба қозонишимиз учун энг зўр ўйинимизни кўрсатишимиз шарт", - деди Хуан Торрес Гарридо.