"У ҳатто яхши орзу қилишни ҳам билмайди". Топурия — Махачевнинг уни мағлуб этиши ҳақида

Асли грузиялик, ҳозирда Испания шарафини мағлубиятсиз ҳимоя қилаётган 28 ёшли Илия ярим ўрта вазн (77 кг гача) тоифасида россиялик 34 ёшли UFC чемпиони Ислам Махачев ҳамда енгил вазн тоифаси UFC рейтингида биринчи ўринни эгаллаб турган Арман Царукян билан эҳтимолий жанглар ҳақидаги саволларга жавоб берди.

Мухлис: Ислам Махачев сени сабмишен эвазига мағлуб эта оладими?

Топурия: Ҳатто энг ишончи тушларда ҳам - йўқ! У ҳатто яхшилаб орзу қилишни ҳам билмайди.

Мухлис: Арман Царукянни нокаут қила оламан деб ўйлайсанми?

Топурия: Осон, - деб ёзди Топурия ўзининг Х ижтимоий тармоғидаги саҳифасида.

Илия Топурия 2015 йилнинг апрель ойида профессионал аралаш яккакураш жангчиси сифатида дебют қилган. "Эл Матадор" дунёнинг энг кучли лигаси - UFC`да 2020 йил октябрь ойидан буён ўз жангларини ўтказиб келяпти. Унинг ҳисобида 17 ғалаба бор (15 таси муддатидан аввал).