22 май 15:16
Янгиликлар

Бокс/ММА

Уайлдер - Бризил жангинининг аудиторияси қанча бўлди?

Супероғир вазн тоифасида WBC йўналиши чемпиони Деонтей Уайлдер даъвогар Доминик Бризилни биринчи раунддаёқ нокаутга учратган эди.

Ушбу узоқ кутилган ва қисқа давом этган чемпионлик жангини Showtime телеканалининг тўғридан-тўғри жонли эфирида 990 000 томошабин кўрган. Жангнинг такрорий эфирини ҳам қўшганда умумий аудитория 1,1 млн кишидан ошган. Бу Уайлдернинг ўтган йили Луис Ортисга қарши ўтказган ўйин аудиториясидан кам (1,2 млн.).

Таққослаш учун, Showtime телеканалининг рақобатчиси "FOX Sports"да яқиндагина Жарретт Херд ва Жулиан Уильямс ўртасида ўтказилган жангни 2,1 млн бокс ихлосманди томоша қилган. ESPN телеканалида Александр Гвоздик - Дуду Нгумбу жанги аудиторияси 832 000 томошабин бўлган.