Уайлдер Жошуага қарши жангдан очиқчасига қочмоқда

Британиялик таниқли промоутер Эдди Хирннинг айтишича, америкалик жаҳон чемпиони Жошуага қарши бирлаштирувчи чемпионлик жангида рингга чиқишдан очиқчасига қочмоқда. 

“Агар Деонтей чиндан ҳам Showtime телеканали билан шартнома имзоласа, у ҳолда Жошуага қарши жанг ўтказилмайди. Биз ушбу жангни ташкил қилиш учун имконият борича ҳаракат қилдик. Лекин Уайлдернинг ўзи бу жангни истамаганидан кейин барча ҳаракатлар бефойда. У очиқчасига Энтони билан жангдан қочмоқда. Афтидан, Уайлдер чемпионлик камарини бой бериб қўйишидан қўрқмоқда ”, - деди Эдди Хирн.