14 авг 16:29
Янгиликлар

Бокс/ММА

Уайт - Поветкин жанги ғолиби камарга эга бўлади

22 август куни Буюк Британияда таниқли промоутер Эдди Хирнга тегишли "Жанглар боғи"да профессионал бокс кечаси ўтказилади.

Бокс оқшомининг марказий жанги оғир вазн тоифасида ўтказилади ва унда вақтинчалик WBC чемпионлик камари соҳиби, Тайсон Фьюрига тегишли асосий камарга расмий даъвогар, британиялик Диллиан Уайт россиялик Александр Поветкинга қарши рингга кўтарилади. Ушбу жанг ғолиби WBC Diamond камарини қўлга киритади.

"Декабрь ойида ўтказилиши режалаштирилаётган Уайлдер - Фьюри жангининг эртасига биз навбатдаги чемпионлик жанги муҳокамасини бошлаймиз, — деди WBC президенти Маурисио Сулейман. — Уайлдер - Фьюри жанги ғолиби Уайтга қарши рингга чиқишга мажбур бўлади. Бунинг учун Диллианнинг ўзи ҳам 22 август куни Поветкинни мағлуб этиши лозим".