29 фев 14:48
Янгиликлар

Сув спорти турлари

Уч карра Олимпиада чемпиони дисквалификация қилинди. У допинг-пробани атайлаб синдириб ташлаганди

Спорт арбитраж суди (CAS) сузиш бўйича уч карра Олимпиада чемпиони, 11 карра жаҳон чемпиони Сунь Янни антидопинг қоидаларини бузгани учун дисквалификация қилди.

2018 йилда у назорат пайтида допинг-пробани болға ёрдамида синдириб ташлаганди. Ўшанда халқаро сув спорти турлари федерацияси (FINA) спортчини жазоламаганди. Лекин, Бутунжаҳон антидпопинг агентлиги (WADA) бунга қаноат қилмаган ва CASга апелляция берганди.

Маълумот учун, 2014 йилда хитойлик сузувчи тақиқланган моддаларни истеъмол қилгани учун уч ойга четлатилганди. У яна қоидаларни бузгани учун CAS яна жазо муддатини узайтирди ва унга саккиз йиллик дисквалификация берди.

Дисквалификация муддати 2020 йилнинг 28 февралидан кучга киради. Аниқроғи, унинг аввалги натижалари бекор қилинмайди.