Уч нафар дзюдочимиз Baku Grand Slam турнирида иштирок этади

Ушбу мусобақада сайёрамизнинг 5 та қитъаси 57 давлатидан жами 449 (266 эркак, 183 аёл) нафар дзюдочи иштирок этади. Одатдагидек эркаклар ва аёллар 7 тадан вазн тоифасида баҳсларга киришишади. 

Baku Grand Slam 2019 мусобақасида уч нафар ўзбекистонлик дзюдочилар ҳам ўз маҳоратларини намойиш этишади. Боку татамиларида Муҳиддин Тиловов, Шаҳзод Собиров ва Обидхон Нумонов юртимиз шарафини ҳимоя қилишади. 

Маълумот учун, “Катта Дубулға” туркумига кирувчи турнир ғолиблари 1000 рейтинг очкосини қўлга киритишади. Кумуш медал соҳиблари 700, бронза медал совриндорлари эса 500 рейтинг очкосига эга бўлишади. Бешинчи ўрин эгалари 360, еттинчи поғона билан кифояланганлар 260 очкони ўз ҳисобларига ёзиб қўйишади. 

Бокуга йўл олган таркиб:

-66 кг: Муҳиддин Тиловов

-73 кг: Обидхон Нумонов

-90 кг: Шаҳзод Собиров