Уч нафар курашчи қизимиз Олимпиада лицензион турнирининг 1/2 финалида!

Бироз аввал аёллар кураши бўйича Париж-2024 Олимпиадаси лицензиялари учун кечаётган мусобақанинг саралаш баҳслари якунига етди. Қувонарлиси, Ўзбекистон аёллар терма жамоасининг уч нафар курашчиси саралаш босқичини муваффақиятли якунлаб, 1/2 финалга йўл олди. 

Шу кунгача аёллар курашида Олимпиадада иштирок этмаганмиз. Бизнинг вақт билан соат 17:00да бошланадиган 1/2 финал беллашувларида ғалаба қозонган курашчилар Париж-2024 Олимпиадаси лицензиясини қўлга киритади. Актенге Кеунимжаева, Шоҳида Аҳмедова ва Лайлохон Собирова ана шу тарихни ёзиш учун гиламга чиқишади.   

1/2 финалда курашадиган қизларимиз:

50 кг: Актенге Кеунимжаева – Менг Ҳсуан Ҳсиех (Хитой Тайпейи)

53 кг: Шоҳида Аҳмедова – Панг Кинаю (Хитой)

57 кг: Лайлохон Собирова – Аншу Аншу (Ҳиндистон)

Қолган курашчи қизларимиз Гулмира Айтмуратова (62 кг), Набира Эсенбаева (68 кг) ва  Светлана Оқназарова (72 кг) саралаш босқичида мағлубиятга учраб, мусобақадаги иштирокларини якунлашди.