17 май 05:44
Янгиликлар

Дзюдо

Уч нафар реферимиз ҳакамликнинг халқаро А тоифасини олди + ФОТО

Қозоғистоннинг Алмати шаҳрида Халқаро дзюдо федерацияси (IJF) томонидан халқаро семинар ташкил этилди.

Унда Қозоғистон, Ўзбекистон, Қирғизистон, Туркманистон, Мўғулистон, Қувайт, Гонконг, Саудия Арабистони, Эрон, Хитой Тайпейи, Япония, Германия, АҚШ, Италия, Озарбайжон каби давлатлардан жами 70 нафар рефери иштирок этди. Улар орасида уч нафар ҳамюртимиз - Дилфуза Раҳматова, Озод Тўраев ва Зокир Собиров ҳам бор эди.

Ушбу семинарни IJF Бош рефери директори, ҳамюртимиз Армен Багдасаров, IJF спорт директори Даниэль Ласкау, Ҳакамлар қўмитаси котиби Хюрлия Паскауле, Қозоғистон дзюдо федерацияси президенти вазифасини бажарувчи Аскат Житкеевлар ўтказишди.

Қувонарлиси, уч нафар реферимиз имтихонларни муваффақиятли тарзда топшириб, ҳакамликнинг А халқаро тоифасига эга бўлишди.