Уч нафар юнон-рум курашчимиз Осиё чемпионати финалида

Бугун, 27 апрель куни 55-63-77-87-130 кг вазн тоифасидаги юнон-рум курашчиларимиз баҳсларда иштирок этиши ҳақида хабар берган эдик.

Дастлаб 55 кг вазнда гиламга чиққан вакилимиз Илҳом Бахромов эронлик ва қирғизистонлик полвонларни мағлуб этиб, финал йўл олди.

Навбатдаги йўлланмани эса жаҳон чемпионати совриндори, Осиё чемпиони бўлган юртдошимиз Елмурат Тасмурадов (63 кг) чорак финалда қирғизистонлик Амутов.У ва ярим финалда Жунг.Жни устидан ишончли ғалабага эришиб, қўлга киритди. 

Учинчи финалчимиз эса мусобақада 130 кг вазн тоифасида иштирок этаётган Мўминжон Абдуллаев бўлди.

Шунингдек, бугунги баҳсларда иштирок этаётган спортчиларимиздан Билан Нальгиев (77 кг) чорак финалда эронлик Гераеи.Мга имкониятни бой бериб, мусобақани тарк этган бўлса, яна бир вакилимиз Рустам Ассакалов (87 кг) чорак финалда туркманистонлик Овелеков.Сдан устун келди, бироқ ярим финалда эронлик Ноури.Нга имкониятни бой бериб қўйди. Энди Рустам бронза медали учун баҳс киришади.