Уч пара дзюдочимиз бронза медали учун татамига чиқади

Пара дзюдо мусобақасининг саралаш беллашувларидан сўнг уч нафар вакилимизнинг кечки дастурда бронза медаллари учун татамига чиқиши ойдинлашди. J2 классида -90 кг вазн тоифасида баҳс олиб бораётган Довурхон Кароматов 1/2 финалда украиналик Олександр Назаренкога имкониятни бой бериб қўйди. 

J1 классидаги баҳсларнинг 1/4 финалида ютқазган икки пара дзюдочимиз - Феруза Эргашева (+70 кг) ва Турғун Абдиев (-90 кг) бронза йўлидаги ўтиш беллашувларида ғалаба қозонишди. Эргашева индонезиялик Рома Тампуболонни, Абдиев эса италиялик Романо Теодорини мағлуб эта олди. 

Бронза медали учун баҳслар:

-90 кг: Довурхон Кароматов - Лаша Кизилашвили (Грузия)

-90 кг: Турғун Абдиев - Сирил Жонард

+70 кг: Феруза Эргашева - Назан Акин (Туркия)