30 окт 07:37
Янгиликлар

Бошқалар, От Спорти

Учкураш бўйича Ўзбекистон кубоги якунланди

Тошкентда от спортининг учкураш йўналиши бўйича Ўзбекистон кубоги мусобақаси бўлиб ўтди.

Қизиқарли курашларга бой ўтган турнирда Республикамизнинг турли ҳудудларидан ташриф буюрган 30 нафардан ортиқ чавандоз ғолиблик учун баҳс олиб борди. Чавандозлар уч кун давом этган беллашувларда от йўрттириш, кросс ва конкур дастурларида ўз маҳоратларини намойиш этишди.

Ўзбекистон йилқичилик ва от спорти федерацияси мутасаддилари кубок баҳслари орқали Париж-2024 лицензион мусобақаларига тайёрланаётган асосий терма жамоа учун номзод спортчиларни саралаб олди. Якунда ғолиб ва совриндорлар эсдалик совғалари билан тақдирланишди.