08 сен 21:53
Янгиликлар

Бокс/ММА

Учта жанг биринчи раундда тўхтатилди, иккисида ҳамюртимиз, бирида қирғизистонлик рақиб зафар қучди ФОТОГАЛЕРЕЯ

Бухоро шаҳрида ўтказилаётган қўл жанги бўйича Ўзбекистон ва дунё юлдузлари иштирокидаги катта спорт оқшоми ўзининг қизғин палласига кирди.

Бундан бир неча дақиқа аввал учта жанг муддатидан аввал якунланди. -75 кг вазн тоифасида кечган жангда ҳамюртимиз Ҳасан Бозоров молдовалик Александр Абрамовни биринчи раунднинг дастлабки дақиқасида техник нокаутга учратди.

Ҳисоб бўйича олтинчи жанг ҳам -75 кг вазнда ўтказилди. Унда спортчимиз Мироншоҳ Жаъфаров беларуслик Виталий Копиловдан биринчи раунднинг ўзида устун келди. Худди шу вазн тоифасида кечган яна бир жангда эса қирғизистонлик Жоробек Тешабоев қўл жанги устамиз Отабек Ҳамзалиевни биринчи раундда таслим этди.