08 янв 09:05
Янгиликлар

Бокс/ММА

"Учталик чемпион" Волкановскига қарши октагонга чиқишга тайёрлигини маълум қилди

Икки вазнда собиқ UFC чемпиони, эркин кураш бўйича Олимпиада чемпиони Генри Сехудонинг фаолиятини қайта тиклаши кутилмоқда.

Сехудо жароҳат олган Макс Холлоуэйнинг чемпион Алекс Волкановскига қарши жангда ўрнини эгаллашга тайёр эканини билдирган. Генри бир ярим йил аввал профессионал спортчилик фаолиятини якунлаганини эълон қилганди. Волкановски ярим енгил вазнда амалдаги UFC чемпиони бўлиб турибди.

"Учталик чемпион ёрдамга тайёр. Дана Уайт, сенда менинг телефон рақамим бор", - дея ўзининг Твиттер саҳифасида UFC президентига мурожаат қолдирган Сехудо.

Александр Волкановски ва Макс Холлоуэй ўртасидаги трилогия 5 март куни АҚШнинг Лас-Вегас шаҳрида ўтказилиши ва бу жанг UFC 272 турнирининг марказийси бўлиши керак эди. Генри Сехудо ярим енгил вазнда умуман жанг ўтказмагани эътиборга молик ҳолат.