23 июл 19:23
Янгиликлар

Спорт курашлари

Учтепа 1-БЎСМ юнон-рум кураши тарбияланувчилари жаҳон чемпионатига йўл олишди

Қирғиз Республикасининг Чўлпон-ота шаҳрида греплинг бўйича ўсмирлар (U 17) ўртасида жаҳон чемпионати бўлиб ўтади.

Ушбу мусобақада юртимиз курашчилари қаторида пойтахтимизнинг Учтепа туманидаги 1-БЎСМ тарбияланувчилари ҳам иштирок этади. Мансур Жабборов мураббийлигидаги ёш юнон-рум курашчиларимиз Иссиқкўлга етиб боришди.

Рашитов Муҳаммадюсуф (29 кг), Рашитов Ҳасаналихон (32 кг), Суннатов Жалолиддин (50 кг), Эргашев Рўзибек (55 кг) ва Бўриев Жавоҳир (60 кг) жаҳон чемпионати медаллари учун баҳс олиб боришади.

Эслатиб ўтамиз, куни кеча Қирғизистоннинг сўлим гўшаси бўлмиш Иссиқкўлда Марказий Осиё давлат раҳбарларининг тўртинчи маслаҳатлашув йиғилиши ўтказилган эди.