УЕФА Россия Евро-2024 саралаш босқичида иштирок этмаслигини эълон қилди

УЕФА бугун 2024 йили Германияда ўтказиладиган Европа чемпионатига саралаш жараёни қандай тартибда ўтказилишини эълон қилди. Унга кўра, мусобақа мезбони Германия терма жамоаси Евро-2024 гуруҳ босқичига тўғридан-тўғри йўлланма олади. 

Махсус комиссия Россия терма жамоасини шу йилнинг февраль ойида барча мусобақалардан четлаштирганди. Шу туфайли ҳам Россия терма жамоаси Евро-2024 саралаш босқичида иштирок этмайди. 

Саралаш босқида 53 та терма жамоа 10 та гуруҳга бўлинган ҳолда иштирок этади. 7 та гуруҳда бешта терма жамоа, учта гуруҳда эса олтита терма жамоа иштирок этади. Барча гуруҳлардаги биринчи ва иккинчи ўринни эгаллаган терма жамоалар Евро-2024 гуруҳ босчиқига тўғридан тўғри йўлланма олишади. Қолган жамоалар эса плей-офф босқичида иштирок этишади. 

Саралаш босқичи гуруҳларини шакллантиришда 2022-2023 йилги Миллатлар лигасидаги натижаларига қараб, терма жамоалар еттита саватчага бўлинади.