UFC 2023 йилда рекорд даражада фойда кўрди

TKO Group Holdings ҳисоботига кўра, UFC ва WWE промоушенларининг ўтган йилги даромади 1.3 миллиард долларни ташкил этган. Бу 2022 йилги фойдадан 13 фоизга кўп деганидир. Рекорд даражада фойда кўрилишига UFC турнирлари ҳамда ҳомийларнинг кўпайгани сабаб бўлган. 

Таъкидлаш жоиз, 2023 йилнинг сўнгги уч ойида UFC 282.8 миллион доллар ишлаб топган. 2022 йилнинг айнан шу вақти билан таққослаганда, даромад 111 млн долларга кўпроқ бўлгани ойдинлашади - 271.7 миллион доллар!

Даромаднинг энг катта қисми ESPN билан трансляция бўйича имзоланган келишувдан келган - 870.6 миллион доллар. Ҳомийлар эса UFC промоушенига 196 миллион доллар тўлаб берган. Чипталар сотувидан 168 миллион доллар даромад қилинган. 2023 йилда жами 43 та UFC турнири ўтказилган.