04 фев 11:01
Янгиликлар

Бокс/ММА, Кикбоксинг, Муайтай

UFC 222. Холлоуэй жароҳат олди, марказий жанг ўтказилмайди

Аралаш қоидалар бўйича енгил вазн тоифасида UFC чемпиони Макс Холлоуэй машғулот чоғида жароҳат олди.

Бунинг натижасида жаҳон чемпиони ўзининг 3 март кунига белгиланган жангини бекор қилишга мажбур бўлди. Макс айнан шу санада Лас-Вегас шаҳрида ўтказилиши кутилаётган UFC 222 турнирининг марказий жангида октагонга кўтарилиши керак эди.

Макс Холлоуэйнинг рақиби Фрэнк Эдгар бўлиши белгиланганди. Аввалроқ Холлоуэй ва Эдгар ўртасидаги жанг Фрэнкнинг жароҳати сабаб бекор қилинганди. Ўшанда уни Жозе Алду алмаштирганди. Ҳозирча Макснинг ўрнини ким эгаллаши маълум эмас.