07 июл 10:45
Янгиликлар

Бокс/ММА

UFC 239 турнирининг марказий жангида Жон Жонс октагонга чиқди

АҚШнинг Невада штати Лас-Вегас шаҳрида аралаш қоидалар бўйича UFC 239 оқшоми якунланди.

Кечанинг марказий жанги ярим оғир вазн тоифасида ўтказилди. Унда дивизони чемпиони Жон Жонс бразилиялик даъвогар спортчи Тиаго Сантосга қарши октагонга кўтарилди. Жанг тўлиқ беш раунд давом этди.

Ҳар икки жангчи ҳам муддатидан олдин ғалаба қозониш учун имкониятга эга бўлишди. Лекин ҳужумларини муваффақиятли якунлай олмадилар. Жанг якунида ҳакамлар 48-47, 47-48, 48-47 ҳисобидаги ғалабани амалдаги чемпионга тақдим этишди.