26 июн 07:29
Янгиликлар

Бокс/ММА

UFC 251 иштирокчилари коронавирусга 5 маротаба тест топширишади + ФОТО

БАА пойтахти Абу-Дабидаги "Жангчилар ороли"да ўтказиладиган UFC турнири иштирокчилари коронавирус учун жиддий тестдан ўтишади.

Хабарда айтилишича, UFC 251 турнирида октагонга кўтариладиган жангчилар ҳамда уларнинг вакиллари беш маротаба коронавирус учун тест топширишади. UFC раҳбарияти бу ҳақида иштирокчиларни огоҳлантириб, уларга мактуб жўнатди.

Жангчилар оролга етиб келгунга қадар уч бор Covid-19 учун тестдан ўтишади. Қолган иккита тест эса жанг ўтказилиши арафасида бевосита оролнинг ўзида олинади. Абу-Дабидаги UFC 251 турнири 11 июль куни бўлиб ўтади.