26 сен 10:11
Янгиликлар

Бокс/ММА

UFC 253. Чемпионлик жанги иштирокчилари Адесанья, Коста, Блахович ва Рейес тарозига чиқишди

Хабар берганимиздек, бизнинг вақт билан эртага тонгда Абу-Дабидаги "Жанглар ороли"да UFC 253 турнири бўлиб ўтади.

Оқшомнинг марказий жанги ўрта вазн тоифасида UFC чемпиони Исраэль Адесанья ҳамда даъвогар Пауло Коста ўртасида бўлиб ўтади. Эртанги жанглар олдидан оқшом иштирокчилари тарозидан ўтиш маросимида ҳозир бўлишди.

Унда Коста чемпиондан ярим килограмм оғирроқ тош босди — 83,9 кг. Адесанья эса 83,4 кг вазн қайд этди. Андеркард жанг ярим оғир вазн тоифасида Доминик Рейес ва Ян Блахович ўртасида ўтказилади. Улар вакант, яъни эгасиз қолган чемпионлик камари учун октагонга кўтарилишади. Америка ва польшалик жангчилар бир хил вазн кўрсатишди — 92,9 кг.