UFC 266. Блэйдс - Розенстрайк жанги тўлиқ давом этди ФОТОГАЛЕРЕЯ

Бироз аввал UFC 266 турнирининг асосий кардидан ўрин олган оғир вазнлилар жанги якунланди. Унда америкалик 30 ёшли Кёртис Блэйдс Суринам вакили, 33 яшар Жаирзиньо Розенстрайкка қарши октагонга кўтарилди. Жанг тўлиқ давом этди ва якунда ҳакамлар Блэйдснинг ғалабасини таъминлашди — 30-27, 30-27, 30-27.

Бу америкалик жангчи учун UFC промоушени фаолиятидаги ўнинчи ғалабаси бўлди. Блэйдснинг ҳисобида яна 3 та мағлубият ҳам бор. Розенстрайк эса бугун учинчи мағлубиятини қабул қилиб олди. UFC октагонида эришган ғалабалари 9 тагича қолди. 

Эслатиб ўтамиз, оқшомнинг марказий жангида Александр Волкановски ва Брайан Ортега ўзаро тўқнаш келишади. Ушбу жанг ярим енгил вазн тоифаси чемпионлик камари учун кечади. Андеркард жангда эса енгил вазнда UFC чемпиони, қирғизистонлик Валентина Шевченко америкалик Лорен Мёрфидан камарини ҳимоя қилади. Бу Валентина учун олтинчи ҳимоя жанги бўлади.