14 янв 14:55
Янгиликлар

Бокс/ММА

UFC 270. 44 ёшли Олейник сафдан чиқди, унинг ўрнига дарҳол захира топилди

UFC 270 турнирининг асосий кардидан ўрин олган жангларнинг бирида жуфтлик ўзгарди.

Россиялик 44 ёшли Алексей Олейник (59-15-1 MMA, 8-6 UFC) UFC оғир вазн тоифасида америкалик Грег Харди (7-4 MMA, 4-4 UFC) билан тўқнаш келиши керак эди. Лекин жангга бир ҳафта қолганда Олейник сафдан чиқди.

Энди Алексейнинг ўрнини келиб чиқиши молдова-украиналик 26 ёшли жангчи Сергей Спивак (13-3 MMA, 4-3 UFC) эгаллайди. Спивак сўнгги жангини ўтган йилнинг сентябрь ойида Том Аспиналлга қарши ўтказиб, биринчи раунднинг ўзида техник нокаутга учраган эди. Ўша мағлубиятигача у кетма-кет учта жангда ғалаба қозонганди.

Эътиборлиси, Сергей Спивак айнан Олейникни ҳам мағлубиятга учратган эди. Шунингдек, Жаред Вандераа ва Карлос Фелипедан ҳам устун келган.