03 июл 08:24
Янгиликлар

Бокс/ММА

UFC 276. 40 ёшли Робби Лоулер иштирокидаги жангда техник нокаут қайд этилди

АҚШнинг Лас-Вегас шаҳридаги "Ти-Мобайл Арена"да ўтказилаётган UFC 276 турнири ўзининг қизғин палласига кирди.

Асосий карддан ўрин олган жангларнинг бири яримўрта вазн тоифасида ўтказилиб, унда америкалик 40 ёшли Робби Лоулер 33 яшар ватандоши Брайан Барбаренага қарши октагонга кўтарилди.

Ушбу жанг ҳам иккинчи раундда якунланди. Барбарена техник нокаут эвазига ўзидан 7 ёшга катта рақибини техник нокаутга учратди. Бир ярим раунд давомида Брайан Роббининг бошига 101 та зарба йўллади.

Шу тариқа, Лоулер сўнгги олтита жангидаги бешинчи мағлубиятини қабул қилиб олди. Унинг ҳисобида 30 ғалаба ва 16 мағлубият бор. Барбарена эса бугун 18-ғалабасини тантана қилди. Ҳисобидаги мағлубиятлар сони 8 талигича қолди.