03 июл 11:17
Янгиликлар

Бокс/ММА

UFC 276 турнирининг бонус соҳиблари эълон қилинди

Бугун тонгда Лас-Вегасда ўтган UFC 276 турнири ташкилотчилари бонус соҳиблари исм-шарифини ошкор қилишди.

Кафолатланган гонорардан ташқари қўшимча 50 000 долларлик бонус, яъни мукофот пулига Юлия Столяренко, Алекс Перейра ва Жалин Тёрнерга эга чиқишди. Робби Лоулер ва Брайан Барбарена иштирокидаги тўқнашув оқшомнинг "Энг яхши жанги" деб топилди.

Эслатиб ўтамиз, асосий кардни бошлаб берган Педро Муньос - Шон О’Мэлли жанги ўтказилмаган деб топилганди. Шон қоида бузгани учун жанг иккинчи раундда тўхтатилган эди. 40 ёшли Робби Лоулер рақиби Брайан Барбаренага техник нокаут билан ютқазиб қўйди. Алекс Перейра Шон Стриклендни нокаутга учратди. Чемпион Алекс Волкановски даъвогар Макс Холлоуэйга қарши кечган учинчи жангида ҳам зафар қучди. Ўрта вазн чемпиони Исраэль Адесанья Жаред Канноньени очколар ҳисобига кўра таслим этди.