31 июл 07:43
Янгиликлар
Бокс/ММА
UFC 277 турнирининг асосий кардини бошлаб берган Анкалаев иштирокидаги жанг муддатидан аввал якунланди
Айни дақиқаларда АҚШнинг Даллас шаҳридаги "Американ Эйрлайнс-центр" стадионида UFC 277 турнири бўлиб ўтмоқда.
Ҳозиргина асосий кардни бошлаб берган биринчи жанг якунига етди. Ярим оғир вазн тоифасида ўтказилган жангда россиялик 30 ёшли Магомед Анкалаев АҚШ вакили, 34 ёшли Энтони Смитга қарши октагонга кўтарилди.
Жанг иккинчи раунддаёқ якунига етди. Анкалаев партердаги устунлик эвазига рақибини техник нокаутга учратди. Рефери Анкалаевнинг жавобсиз зарбалари, Смитнинг чуқур ҳимоясидан сўнг жангни тўхтатишга мажбур бўлди. Энтони Смит биринчи раунддаёқ оёғини синдириб олган.
Шу тариқа, Магомед Анкалаев UFC промоушенидаги кетма-кет тўққизинчи ғалабасини қўлга киритди. Унинг тажрибали рақиби эса бугун 17-мағлубиятини қабул қилиб олди. Ҳисобида 35 та ғалаба бўлиб, рейтингда 5-ўринни эгаллаб турибди. Магомед эса 4-поғонадан жой олган.
Ҳавола :
Фикрлар