UFC 281 турнирининг расмий постери намойиш этилди + ФОТО

Ташкилот матбуот хизмати UFC 281 турнирининг расмий постерини эълон қилди. Оқшомнинг марказий жанги ўрта вазн тоифасида амалдаги UFC камари соҳиби Исраэль Адесанья ҳамда бразилиялик даъвогар Алекс Перейра ўртасида бўлиб ўтади. 

Маълумот учун, Адесанья ва Перейра икки бор кикбоксинг бўйича тўқнаш келишган. Ҳар иккала жангда ҳам Алекс Адесаньяни мағлубиятга учратган. 2017 йилнинг март ойида Glory of Heroes 7 турнири доирасидаги жангда Перейра Адесаньяни нокаутга учратган эди.

UFC 281 турнирининг Сo-main event жангида эса аёллар ўртасида минимал вазн тоифаси чемпиони, америкалик Карла Эспарза хитойлик собиқ чемпион Жанг Вейлига қарши октагонга чиқади. Бу Эспарза учун илк чемпионлик ҳимоя жанги ҳисобланади. У шу йил 8 май тонгида АҚШда ўтказилган UFC 274 турнири доирасида Роуз Намаюасни 47-48, 49-46, 48-47 ҳисобларида мағлуб этиб, янги чемпионга айланган эди. 

Шунингдек, UFC 281 турнири кардидан америкалик икки таниқли жангчи - Дастин Порье ва Майкл Чендлер тўқнашуви ҳам ўрин олган. Дастин енгил вазн тоифаси рейтингида 2, Майкл эса 5-ўринни эгаллаб турибди. Яна бир қизиқарли жанг Янги Зеландия вакили Дэн Ҳукер ҳамда перулик Клаудио Пуэллес ўртасида кечади.