27 авг 18:49
Янгиликлар

Бокс/ММА

UFC 293. Кай Кара-Франс жароҳат олди, Манель Капега дебютант берилди

9 сентябрь куни Австралиянинг Сидней шаҳрида UFC 293 турнири ташкил этилади.

Мазкур мусобақа доирасида ўта енгил вазн тоифасида янги зеландиялик Кай Кара-Франс (24-11-0) Португалия вакили Манель Капе (18-6-0) билан жанг қилиши керак эди. Бироқ Кай жангга яқин машғулотлар жараёнида жароҳат олгани ва бу жангда иштирок эта олмаслиги эълон қилинди.

Эндиликда унинг ўрнини бразилиялик Фелипе дос Сантос (7-0-0) эгаллайди. У UFC'даги дебют жангини ўтказади.

Эслатиб ўтамиз, Кай Кара-Франс сўнгги жангини июнь ойида Амир Альбазига қарши ўтказиб, баҳсли ҳакамлар қарори туфайли мағлуб бўлган эди. Манель Капе эса декабрь ойида ўтказган охирги жангида Давид Дворакни мағлуб этган эди.