08 авг 12:18
Янгиликлар

Бокс/ММА

UFC 294 турнирининг яна бир "оловли" жанги маълум бўлди!

21 октябрь куни Бирлашган Араб Амирликларининг Абу-Даби шаҳрида UFC 294 турнири ўтказилади.

Мазкур мусобақадан ўрин олган яна бир жанг маълум бўлди. Унга кўра, енгил вазн тоифаси рейтингида 8-ўриндаги арманистонлик Арман Царукян (20-3-0) ўша куни рейтингнинг 4-ўрнидаги эронлик Бенил Дариуш (22-5-1) билан тўқнаш келади. Бу ҳақда бир қанча инсайдерлар хабар тарқатмоқда.

Эслатиб ўтамиз, UFC 294 турнирининг марказий жанги енгил вазн чемпиони Ислам Махачев ҳамда бразилиялик даъвогар Чарльз Оливейра ўртасида бўлиб ўтади. Шунингдек, мусобақада Хамзат Чимаев Пауло Коста билан, Нассурдин Имавов Икрам Алискеров билан ҳамда Магомед Анкалаев Жонни Уокер билан жанг қилади.