26 авг 15:16
Янгиликлар

Бокс/ММА

UFC 295 турнирининг яна бир жанги маълум бўлди

11 ноябрь куни АҚШнинг Нью-Йорк штатида жойлашган Madison Square Garden аренасида UFC 295 турнири ўтказилади.

Оқшомнинг асосий карди доирасида ўтказиладиган яна бир жанг эълон қилинди. Унга кўра, аёллар ўртасида минимал вазн вакилалари - бразилиялик Жессика Андраде (24-12-0) америкалик Маккензи Дёрн (13-3-0) билан тўқнаш келади. Жанг 3 раунд этиб белгиланган.

Жессика Андраде охирги учта жангидан буён ғалаба нима эканини билмай келмоқда, у сўнгги бор Лорен Мьёрфини мағлуб этганди. Қизиғи, бу Андраде учун жорий йил ҳисобидан бешинчи жанги бўлади. Маккензи Дёрн эса май ойида Анжела Ҳилл билан жанг қилиб, очколар ҳисобига кўра ғалаба қозонган эди.

Маълумот учун, турнирнинг марказий жанги оғир вазн чемпиони Жон Жонс (27-1-0) ҳамда даъвогар Стипе Миочич (20-4-0) ўртасида кечади.