UFC 303 турнирининг янги марказий жанги эълон қилинди + ПОСТЕР

Ушбу тўқнашув 29 июнь (бизда 30 июнь тонги) куни АҚШнинг Невада штати Лас-Вегас шаҳрида ташкил этиладиган UFC 303 турнирининг марказий жанги бўлиши керак эди. Ирландиялик машғулотда орттириб олган жароҳати туфайли ушбу жанг бекор қилинди. 

Энди яримоғир вазн тоифасида бразилиялик Алекс Перейра ҳамда чехиялик Иржи Прохазка ўртасида ўтказиладиган жанг марказий мақомда бўлади. Шунингдек, Энтони Смит жароҳат олган Жамал Хиллнинг ўрнини эгаллайди ва Карлос Улбергга қарши октагонга чиқади. Ярименгил вазндаги Брайан Ортега - Диего Лопес баҳси эса оқшомнинг янги co-main event жанги бўлади. Бу маълумотларни шахсан UFC раҳбари Дана Уайт тасдиқлади.

Ўтган йилнинг ноябрь ойида Иржи Прохазка яримоғир вазн тоифасида вакант бўлиб турган UFC камарини қўлга киритиши мумкин эди. Аммо у Алекс Перейрага иккинчи раундда техник нокаутга учраганди. Ўшандан кейин бразилиялик UFC 300 турнирида камарини илк бор муваффақиятли ҳимоя қилди. Алекс биринчи раундда собиқ чемпиони Жамал Хиллни нокаутга учратди. Чехиялик Иржи эса айнан шу юбилей турнир доирасида Александр Ракични иккинчи раундда техник нокаут билан таслим этди. Бу ғалаба унга UFC яримоғир вазнлилар рейтингида биринчи ўринга чиқиб олиши учун етарли бўлди.

Диего Лопес эса ўтган йилнинг май ойида UFC промоушенида дебют қилди. У россиялик Мовсар Евлоевга очколар ҳисобига кўра имкониятни бой бериб қўйди. Ўшанда кейин Лопес кетма-кет учта жангда рақибларини муддатидан аввал мағлубиятга учратди. Гэвин Такер, Пэт Сабатини ва Содик Юсуфф таслим этилди.

Шу йилнинг февраль ойида Брайан Ортега бир йиллик танаффусдан сўнги октагонга қайтди. У реванш жангида Яир Родригесни муддатидан аввал таслим этди. Бу билан Ортега кетма-кет иккита мағлубиятли сериясига ҳам барҳам берди.