28 июл 08:54
Янгиликлар

Бокс/ММА

UFC 304. Пэдди Пимблетт Кинг Гринни илк раунддаёқ таслим этди

Манчестерда (Буюк Британия) давом этаётган UFC 304 турнирининг бир қанча жанглари ортда қолди.

Асосий карддан ўрин олган яна 2 та жанг ўз ниҳоясига етди.

Улардан бирида ўрта вазнли бразилиялик Грегори Родригес мезбонлар вакили Кристиан Лерой Данканни очколар ҳисобига кўра мағлуб этди ва кетма-кет учинчи ғалабасини нишонлади.

Яна бир беллашувда эса енгил вазндаги англиялик жангчи Пэдди Пимблетт америкалик тажрибали Бобби "Кинг" Гринга қарши октагонга кўтарилди. 3 раундга мўлжалланган баҳс илк раунддаёқ якунланди. Пимблетт рақибини бўғиш усули орқали таслим этди ва UFC'даги кетма-кет олтинчи ғалабасини расмийлаштирди. Жангдан кейин Пэдди Пимблетт Ренато Мойканони жангга чорлади.